Kryeministri i Republikës së Kosovës, Isa Mustafa, ka marrë sot pjesë në shënimin e suksesit të përbashkët me Fondin Monetar Ndërkombëtar, për kalimin e Kosovës në fazën e dytë dhe të tretë në kuadër të programit të FMN-së.
Mustafa u zotua se Qeveria e Republikës së Kosovës do të punoj edhe më tutje që të realizohet e gjithë marrëveshja.
“Stabilitetin makroekonomik, stabilitetin buxhetor, edhe stabilitetin kreditor e kemi arritur në bazë të përkrahjes tuaj, veçmas të Fondit Monetar Ndërkombëtar”, tha kryeministri, duke falënderuar për ndihmën në këtë proces, Ambasadën Amerikane dhe ambasadorin Delawie, por edhe USAID-in.
Kryeministri siguroi të pranishmit se edhe detyrimet e mbetura do të përfundohen në partneritet dhe me kohë.
“Unë dëshiroj këtu të shpreh edhe kënaqësinë time për një punë të mirë që e ka bërë Ministria e Financave dhe Ministria e Punës dhe Mirëqenies Sociale, sidomos në dialogun me veteranët, por edhe Parlamentin për vendimet që i ka marrë. Unë ju siguroj që edhe detyrimet tona që kanë mbetur për të ardhmen, për adoptimin e ligjeve të reja, që edhe atë do ta bëjmë”, tha kryeministri.
Komuna e Obiliqit: Ndotja e ajrit ka dalë jashtë përmasave n...
Presidentja e KE-së vizitë në Shkup, thekson nevojën për mir...
Përfundon takimi trepalësh në Bruksel
Tetori rozë, Osmani: Asnjë grua nuk duhet të jetë e vetme në...
Magazina plot me hashash në Korçë, mes të arrestuarve edhe d...
Gërvalla flet me shqiptarë në Zvicër për sfidat e mësimit të...